Трамп яна хорижий филмларга 100 фоизлик божлар билан таҳдид қилди

Қўшма Штатлар халқаро рақобатда ўз ўрнини йўқотаётган кино саноатини қайтариб олиши керак, деди Трамп. Бунинг ортидан Америка киностудияларининг акциялари пасайиб кетди.

Фото: Kent Nishimura/Consolidated/picture alliance

АҚШ президенти Доналд Трамп хорижда ишлаб чиқарилган филмларга 100 фоизлик божлар жорий этиш режасини яна бир бор эълон қилди. 29 сентябр, душанба куни Truth Social ижтимоий медиа платформасида ушбу чораларни асослаб, у Америка кино саноати халқаро рақобат олдида ўз ўрнини йўқотаётганини таъкидлади.

«Кино бизнесини Америка Қўшма Штатларидан бошқа давлатлар чақалоқнинг ўйинчоғи каби ўғирлаб кетди», деб ёзади у. Калифорния штати, дея қўшимча қилди Трамп, айниқса губернаторининг нотўғри сиёсати туфайли жабр кўрди.

Трампнинг баёнотидан сўнг Американинг Paramount Skydance ва Warner Bros. Discovery медиакорпорациялари акциялари мос равишда 2,1 ва 1,3 фоизга, Американинг Netflix стриминг компанияси акциялари эса 1,5 фоизга арзонлашди.