Миробод туманида қурилиши тугалланмаган бинода ёнғин юз берди

Тошкент шаҳрининг Миробод туманида қурилиши тугалланмаган бинонинг ертўласида ёнғин содир бўлди. Ҳодиса оқибатида жабрланганлар йўқ.

Фото: Кадр из видео

Кеча, 21 октябр куни соат 22:31 да Тошкент шаҳар Фавқулодда вазиятлар бошқармасига Миробод тумани, Сарикўл кўчасида жойлашган қурилиши тугалланмаган бинонинг ертўласида ёнғин чиққани ҳақида хабар келиб тушган.

Ёнғин-қутқарув экипажи соат 22:39 да воқеа жойига етиб келган. Ёнғин соат 22:52 да қуршаб олиниб, соат 22:58 да тўлиқ ўчирилган.

Дастлабки маълумотларга кўра, ертўла қисмида сақланаётган қурилиш моллари ёниб зарарланган. Ёнғин оқибатида ҳеч ким тан жароҳати олмаган.