Ўзбекистон Гидрометеорология хизмати маркази (Ўзгидромет) бугун кундуз пайти учун ҳаво шароити ҳақида огоҳлантириш эълон қилди. Қайд этилишича, Қорақалпоғистон Республикаси ва Навоий вилоятининг баъзи туман ва шаҳарларида шамол секундига 13–18 м/с гача кучайиши, айрим жойларда кўринувчанлик пасайишига олиб келувчи чанг-тўзонлар қайд этилиши мумкин.
Ўзгидромет аҳоли ва меҳмонларга қуйидаги тавсияларга амал қилишни сўради:
- очиқ ҳаводаги фаолиятни қисқартириш, зарурат бўлмаса узоққа чиқмаслик;
- ниқоб ёки респиратор, кўзойнак каби ҳимоя воситаларидан фойдаланиш;
- уй ва иш хоналарида эшик-дарчаларни беркитиш, кондиционер/чанг филтрларини текшириш;
- ҳайдовчилар учун тезликни пасайтириш, масофани сақлаш ва туман-чанг шароитида чироқлардан тўғри фойдаланиш.
Огоҳлантиришда қайд этилган шамол ва чанг-тўзон ҳодисалари айрим ҳудудларда қисқа муддатли бўлиши мумкин. Тегишли хизматлар вазиятни мониторинг қилмоқда.
