Саида Мирзиёева ЮНЕСКО Бош конференцияси очилиш маросимида иштирок этди

У ушбу тарихий воқеа мамлакат учун муҳим аҳамият касб этишини таъкидлади.

Фото: Telegram/Saida Mirziyoyeva

Президент Администрацияси раҳбари Саида Мирзиёева 30 октябрь куни Самарқандда ЮНЕСКО Бош конференцияси 43-сессиясининг расмий очилиш маросимида иштирок этди.

«Кеча “Silk Road Samarkand” Конгресс марказида ЮНЕСКО Бош конференцияси 43-сессиясининг расмий очилиш маросими бўлиб ўтди. Бу тарихий воқеа мамлакатимиз учун муҳим аҳамият касб этиб, Ўзбекистонни яна бир карра маданий ва гуманитар ҳамкорлик маркази сифатида намоён қилди.

Машҳур тенор Йонас Кауфман ва пианиночи Элен Мерсенинг бетакрор, ҳиссиётларга бой мусиқий чиқишлари тантанага ўзгача жозиба бахш этди», деб ёзди Саида Мирзиёева.

Тайёрлаган: Сардор Юсупов

#ЮНЕСКО #Самарқанд #Саида Мирзиёева

БМТнинг Таълим, фан ва маданият масалалари бўйича ташкилоти (ЮНЕСКО) Бош конференциясининг 43-сессияси 2025 йил 30 октябрдан 13 ноябргача Самарқанд шаҳрида бўлиб ўтади.