Айфон нархига “ақлли ит”: Хитойда Rover X1 робот ити тақдим этилди

Rover X1 сунъий интеллект асосида ишлайди. У эгасининг ортидан юради, юк кўтаради, ҳудудни патрул қилади ва уйда ҳам, табиатда ҳам ёрдамчи бўла олади. Уйдаги хавфсизликни назорат қилишдан тортиб, сайрдаги содиқ ҳамроҳ бўлишгача — барчаси унинг қўлидан келади.

Rover X1 “кўриш” учун камералар тизимидан фойдаланади. У атрофни таҳлил қилади, сурат ва видео олади. Роботнинг танаси-платформаси юк кўтаришга мосланган, аммо аниқ юк сиғими ҳозирча ошкор этилмаган.

Rover X1нинг нархи ¥7499 (~$1030) этиб белгиланган — бу деярли iPhone 15 Pro нархига тенг. Аниқ техник тавсифлар ва сотув санаси ҳозирча маълум эмас, бироқ компания уни тез орада бозорга чиқариши кутилмоқда.