Ҳафта давомида кечалари совуқ бўлиши кутилмоқда

Республиканинг барча ҳудудларига совуқ ва нисбатан нам ҳаво массалари кириб келади, дея хабар берди Ўзгидромет.

3 ноябрдан 5 ноябргача баъзи жойларда ёмғир ёғади. Тоғолди ва тоғли ҳудудларда қорга айланади, 4 ноябр куни баъзи жойларда кучли ёғингарчилик бўлиши кутилмоқда.

4 ва 5 ноябр кунлари ҳарорат кечаси 0…–3 даражагача, шимолда –5 даражагача, кундузи +5…+10 даражагача аста-секин пасаяди.

6 ноябрдан бошлаб ҳафта охиригача Ўзбекистон бўйлаб ёғингарчиликсиз об-ҳаво сақланиб қолади. Баъзи ҳудудларда кечаси ва эрталаб туман тушиши мумкин.

Ҳаво ҳарорат +3…+5 даражагача, кундузи +13…+16 даражагача кўтарилади.

Тошкент шаҳрида ҳаво ўзгарувчан бўлади, бугун куннинг иккинчи ярмида ёмғир ёғиши кутилмоқда. Шамол 5–10 метр/сония тезликда эсади. Ҳаво ҳарорати +14…+16 даражани ташкил этади. 4 ноябрдан 5 ноябрнинг тонгига қадар вақти-вақти билан ёмғир ёғади.

Ҳаво ҳарорат +4…+5 ноябрда кечаси 0…–2 даражагача, кундузи +5…+7 даражагача пасаяди.

Ҳафта охирида кечаси салқин ҳаво ҳароратлари сақланиб қолади, кундузи эса +10…+13 даражагача кўтарилади.

Бундан олдинроқ Ўзгидромет Ўзбекистонда ноябр ойи бошида ҳаво ҳарорати кескин пасайиши кутилаётганидан огоҳлантирганди.