Қарорга мувофиқ, икки давлатнинг ваколатли идоралари мобил қурилмалар ҳолатига доир маълумотларни — жумладан, IMEI кодларига таянадиган рўйхатларни — тезкор тарзда ўзаро алмашади.
Механизм қуйидагиларга хизмат қилади:
- клонланган ёки ноқонуний айланмадаги қурилмаларни аниқлаш ва блоклаш;
- ўғирланган ёки йўқолган телефонларни қайд этиш ва қидирувни самарали ташкил этиш;
- трансчегаравий рақамли жиноятчилик хавфларини камайтириш.
Рақамли технологиялар вазирлиги ахборот тизимларини интеграция қилиш, идоралараро ҳамкорликни мувофиқлаштириш ва битим шартларининг ижросини таъминлаш билан шуғулланади. Вазирлар Маҳкамаси ҳамда тегишли идоралар битим кучга кирганидан сўнг унинг қоидалари бажарилиши устидан белгиланган тартибда назорат қилади.
