Jeddah Tower дунёдаги энг баланд бино бўлиши кутилмоқда: 300 метр чегараси забт этилди

Келажакда баландлиги бир километрга етиши режалаштирилган Jeddah Tower минораси (Саудия Арабистони) қурилиши шу йил қайта тикланди ва ҳафтасига бир қават суръатига чиқди.

Фото: Jeddah Now

Ҳозирда 76-қават барпо этилмоқда. Кутилишича, жорий йил охиригача Jeddah Tower 83 қаватга етади, 2026 йил охирига бориб эса, агар ҳозирги суръат сақланса, 135-қаватгача қуриб битказилади. Бу даврда миноранинг баландлиги деярли икки бараварга ўсади.

Яқинда Jeddah Tower 300 метр белгисини ортда қолдириб, «ўта баланд бино» мақомини (supertall) олди.