Цемент экспорти кескин ўсди: Қирғизистон, Қозоғистон ва Афғонистон — асосий йўналишлар

Миллий статистика қўмитаси маълумотларига кўра, 2025 йилнинг январ–сентябр ойларида Ўзбекистон қарийб 1,1 млн тонна цементни 44,4 млн АҚШ доллари қийматда экспорт қилди. Бу ўтган йилнинг мос даврига нисбатан 794,6 минг тоннага (тахминан 3,8 баробар) кўпдир.

Фото: iStock

Жорий йилнинг 9 ойида цемент экспорти асосан қуйидаги бозорларга йўналтирилган:

Қирғизистон: 488 740 тонна (тахминан 45,3 фоиз);
Қозоғистон: 316 794 тонна (тахминан 29,4 фоиз);
Афғонистон: 272 739 тонна (тахминан 25,3 фоиз);
Тожикистон: 267 тонна (кичик улуш).

Жами етказиб берилган ҳажм 1 078 540 тоннани ташкил этди. Шундан келиб чиқиб, ўртача шартнома нархи тахминан $41/тонна (44,4 млн долл. / 1,078 млн тонна) атрофида шаклланган.

Мутахассислар экспорт ҳажмининг ўсишини ички ишлаб чиқариш қувватларининг кенгайиши, логистика занжирлари яхшиланиши ва минтақавий талабнинг тикланиши билан изоҳламоқда.