Қўшимча функционаллар
-
Тунги кўриниш
Хизматдаги ЙПХ ходимини видеога олиб, тармоққа жойлаш – маъмурий қамоқ билан тугади
Жиноят ишлари бўйича Шаҳрисабз шаҳар суди ЙПХ инспекторининг хизмат фаолиятини видеога олиб, ижтимоий тармоқларда обрўсизлантирувчи тарзда тарқатган икки фуқарони Маъмурий жавобгарлик тўғрисидаги кодекснинг 195-2-моддаси бўйича айбдор деб топди ва уларга маъмурий қамоқ жазоси тайинлади.
Суднинг 2025 йил 5 декабрдаги қарорига кўра, 1988 йилда Қашқадарё вилоятида туғилган М. М. ҳамда 1999 йилда Қашқадарё вилоятида туғилган Б. Р. Маъмурий жавобгарлик тўғрисидаги кодекснинг 195-2-моддасида назарда тутилган — ҳуқуқни муҳофаза қилувчи органлар ходимларининг фото ва видеотасвирини уларнинг обрўсизлантирилишига олиб келадиган тарзда бузиб тарқатиш — ҳуқуқбузарлигини содир этганликда айбдор деб топилган.
Текширув ва суд материалларига кўра, М. М. ва Б. Р. жамоат хавфсизлигини таъминлаш бўйича Шаҳрисабз шаҳрида хизмат вазифасини бажараётган йўл-патрул хизмати инспектори Т. Х.ни атрофдагилар олдида обрўсизлантириш мақсадида уни видеотасвирга олиб, мазкур тасвирни ижтимоий тармоқларда тарқатган.
Суд қарорига мувофиқ, М. М.га 10 сутка, Б. Р.га эса 7 сутка муддатга маъмурий қамоқ жазоси қўлланган.
Мавзуга оид
17:32 / 10.07.2026
Kun.uz суриштирувидан сўнг: Қашқадарёда эшак гўшти савдогари озодликдан маҳрум қилинди
14:58 / 08.07.2026
Қашқадарёда ҳаракатдаги машина газ баллони портлаши оқибатида бир киши ҳалок бўлди
09:31 / 13.06.2026
Ишга киритиб қўйишни ваъда қилган “сохта прокурор“ ушланди
17:18 / 08.06.2026