Қўшимча функционаллар
-
Тунги кўриниш
Туман ҳаводаги майда заррачалар миқдорини ошириши мумкин — Ўзгидромет
Тошкент шаҳри ва айрим вилоятларда кузатилган қалин туман оқибатида ҳавода PM2,5 ва PM10 каби майда заррачалар миқдори ошиши мумкинлиги маълум қилинди. Ўзгидрометга кўра, бунга мамлакатга кирган совуқ ва нам ҳаво массалари, шамол сустлиги, инверсия ҳамда ҳаводаги чангнинг катта қисми ташқи ҳудудлардан кириб келаётгани сабаб бўлмоқда.
Фото: Kun.uz
Махсус комиссия топшириғига мувофиқ, Ўзгидромет маълумотига кўра, Тошкент шаҳри ва айрим вилоятларда кузатилган туман олдиндан прогноз қилинган бўлиб, у ҳавода PM2,5 ва PM10 каби майда заррачалар миқдорининг ошишига сабаб бўлиши мумкин.
Мутахассислар таъкидлашича, туманнинг асосий сабаби мамлакат ҳудудига кирган совуқ ва нам ҳаво массаларидир. Аввалроқ шу кунларда ҳаво сезиларли даражада совиши ҳақида ҳам маълум қилинган эди.
Шу билан бирга, Ўзгидромет маълумотларига кўра, мамлакат ҳавосидаги чангнинг 55–60 фоизи ташқи ҳудудлардан келади. Охирги кунларда шамол сустлиги, инверсия ҳодисаси ва ҳозирги туман туфайли ушбу заррачалар ҳавода тўпланиб, тарқалмай туриб қолмоқда.
