Яшнобод туманида ЙТҲ оқибатида Cobalt автомобили ёниб кетди

1 январ куни тунги соат 01:59 да Тошкент шаҳри Яшнобод тумани, Махтумқули кўчасида 85/1-уй қаршисида икки автомобил иштирокида йўл-транспорт ҳодисаси содир бўлган. Тўқнашув оқибатида Cobalt автомобилида ёнғин чиққан.

Маълумотларга кўра, Cobalt автомобили ёнаётгани ҳақидаги хабар Тошкент шаҳар ФВББга соат 01:59 да келиб тушган. Шунга мувофиқ, қутқарув техникалари ҳодиса жойига соат 02:08 да етиб борган.

Ёнғин соат 02:14 да ўчирилган ва тезкор ҳаракатлар орқали ёнғиннинг кенгайиб кетишига йўл қўйилмаган.

Ҳодиса оқибатида тан жароҳати олганлар йўқлиги қайд этилган.