Маълум қилинишича, жорий йилнинг 6 январ куни тахминан соат 19:00 ларда 1986 йилда туғилган А.А. Lacetti автомашинасида Шайхонтоҳур тумани Ислом Каримов кўчасида ҳаракатланаётган вақтда BYD автомашинаси ҳайдовчиси билан йўл талашган. Натижада 1982 йилда туғилган С.А. бошқарувидаги BYD автомашинаси йўлнинг қатнов қисмида тўхтаб, А.А. билан жамоат жойида ўзаро уришиб, жамоат тартибини бузган.
Қайд этилишича, жанжал оқибатида ҳеч ким тан жароҳати олмаган.
Мазкур ҳолат юзасидан Шайхонтоҳур тумани ИИО ФМБ томонидан Маъмурий жавобгарлик тўғрисидаги кодекснинг 183-моддаси (“майда безорилик”) билан маъмурий баённома расмийлаштирилиб, тўпланган ҳужжатлар қонуний чора кўриш учун жиноят ишлари бўйича туман судига юборилган.
