Ўзбекистонликларнинг Мисрга саёҳати кескин кўпайди: 60,9 минг нафар

Миллий статистика қўмитаси эълон қилган маълумотларга кўра, 2025 йилнинг январ–ноябр ойларида ўзбекистонликларнинг Мисрга сафарлари сезиларли даражада кўпайган. Қайд этилишича, 11 ой давомида 60 979 нафар фуқаро туристик мақсадларда ушбу мамлакатга йўл олган.

Таққослаш учун, мазкур кўрсаткич 2024 йилнинг мос даврига нисбатан 19,7 минг нафарга ёки 47,7 фоизга юқори.

Сафар мақсадлари кесимида эса қуйидаги тақсимот қайд этилган:

• саёҳат — 55 090 нафар;
• қариндошларни йўқлаш — 5 679 нафар;
• даволаниш — 172 нафар;
• ўқиш — 20 нафар;
• хизмат юзасидан — 18 нафар.

Маълумотларга кўра, Мисрга сафар қилганларнинг асосий қисми — саёҳат мақсадида борган фуқаролар ҳисобланади.