Юнусободда фуқаролар тинчлигини бузган шахс бўйича текширув бошланди

Ижтимоий тармоқларда номаълум шахснинг ўзга хонадон эшигини сабабсиз тақиллатиб, фуқароларнинг тинчлигини бузгани акс этган видео тарқалиб, кенг муҳокамаларга сабаб бўлди. Мазкур ҳолат юзасидан қўшимча маълумот берилди.

Маълум қилинишича, жорий йилнинг 20 январ куни тахминан соат 00:15 ларда Юнусобод тумани, 11-мавзеда жойлашган кўп қаватли уйлардан бирида 1995 йилда туғилган, маст ҳолатда бўлган Т.И. шу уйда истиқомат қилувчи 1974 йилда туғилган С.И.нинг хонадон эшигини тортиб, қўнғироқни бир неча бор чалган ҳолда фуқароларнинг тинчлигини бузган.

Ҳозирда мазкур ҳолат юзасидан Юнусобод тумани ИИО ФМБ томонидан терговга қадар текширув ишлари олиб борилмоқда. Текширув натижаларига кўра қонуний қарор қабул қилиниши таъминланади.