Чилонзорда кўприк устида 4 та автомобил тўқнашди

2026 йил 28 январ куни соат 21:00 лар атрофида Тошкент шаҳри Чилонзор туманида, Гавҳар кўчасидан ўтувчи кўприк устида Onix ва 3 та Lacetti автомашинаси иштирокида ЙТҲ содир бўлди. Ҳодиса оқибатида тан жароҳати олганлар қайд этилмаган.

Фото: Видеодан кадр

Тошкент шаҳар Чилонзор туманида йўл-транспорт ҳодисаси содир бўлгани ҳақида расмий маълумот берилди. Қайд этилишича, 2026 йил 28 январ куни соат 21:00 ларда Чилонзор туманидаги Гавҳар кўчасидан ўтувчи кўприк устида Onix ва 3 та Lacetti русумли автомашина ўзаро тўқнашган.

Маълумотга кўра, ЙТҲ натижасида тан жароҳати олганлар йўқ.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.