2025 йилда тиббий хизматлар нархи ошиши қайд этилди

Миллий статистика қўмитаси маълумотларига кўра, 2025 йил давомида мамлакатда тиббий хизматлар нархларида ўсиш кузатилган. Айрим йўналишларда қимматлашув даражаси 10 фоиздан ошган.

Фото: Freepik

Қайд этилишича, 2025 йил якунлари бўйича:

стоматология хизматлари нархлари ўртача 5,1 фоизга ошган;
тиббиёт лабораториялари хизматлари — 10,3 фоизга қимматлашган;
амбулаторияда даволаш хизматлари — 9,4 фоизга ўсган;
диагностика визуализацияси хизматлари — 9,1 фоизга ошган;
стационар даволаш ва реабилитация хизматлари нархлари эса 7,5 фоизга кўтарилган.

Маълумотларга кўра, энг юқори ўсиш лаборатория хизматларида қайд этилган. Шу билан бирга, амбулатория ва диагностика хизматлари нархларида ҳам сезиларли қимматлашув кузатилган.

Мутахассислар фикрича, тиббий хизматлар нархларидаги ўзгаришлар инфляция жараёнлари, хизмат кўрсатиш харажатлари ва замонавий ускуналардан фойдаланиш билан боғлиқ омиллар таъсирида шаклланиши мумкин.