Бензин учун ойлик пул компенсацияси миқдори оширилди

Айрим тоифадаги шахсларга автомобил бензини сотиб олиш харажатларининг бир қисми сифатида тўланадиган ойлик пул компенсацияси миқдори қайта кўриб чиқилди. Идоралараро тариф комиссияси қарорига кўра, 2026 йилнинг I чорагидан бошлаб компенсация 208 760 сўм этиб белгиланади.

Фото: Kun.uz / Улуғбек Эргашев

Қонунчиликка мувофиқ, айрим тоифадаги шахсларга автомобиль бензини сотиб олиш билан боғлиқ харажатларнинг бир қисми ойлик пул компенсацияси шаклида тўлаб берилади.

Ҳукумат ҳузуридаги Идоралараро тариф комиссиясининг қарори билан мазкур компенсациянинг янги миқдори тасдиқланди.

Унга кўра, шу вақтга қадар 130 600 сўм бўлиб келган ойлик компенсация 2026 йил I чорагидан бошлаб 208 760 сўмни ташкил этади.