Яшнобод туманида ресторандаги ёнғин ҳақидаги хабар тасдиқланмади

14 феврал куни эрталаб Тошкент шаҳри Яшнобод туманида ресторан хонаси ёнаётгани ҳақида хабар тушган. Ҳодиса жойига етиб борган қутқарувчилар текширув натижасида ёнғин содир бўлмаганини, скутер аккумуляторини зарядлаш вақтида электр симларида қисқа туташув юз берганини аниқлади.

Бугун, 14 феврал куни соат 05:09 да Тошкент шаҳар Яшнобод тумани, Паркент кўчасида ресторан хонаси ёнаётганлиги тўғрисида Тошкент шаҳар ФВББга хабар келиб тушган.

Шунга кўра, қутқарув техникалари кўрсатилган манзилга соат 05:16 да етиб борган. Ҳодиса жойида ўтказилган текширувда ресторан биноси ичидаги хонада скутер аккумулятори зарядланаётган вақтда электр симларида қисқа туташув содир бўлгани маълум бўлди.

Маълум қилинишича, мазкур ҳолатда ёнғин содир бўлмаган.