Мирзо Улуғбек туманида BMW ва Onix иштирокида ЙТҲ содир бўлди

2026 йил 25 феврал куни соат 23:30 ларда Тошкент шаҳар Мирзо Улуғбек тумани, Яҳё Ғулом–Маҳтумқули кўчасида BMW ҳамда Onix русумли транспорт воситалари ўзаро тўқнашуви оқибатида йўл-транспорт ҳодисаси содир бўлди.

Фото: Ижтимоий тармоқлар

Дастлабки маълумотларга кўра, тўқнашув натижасида Onix автомашинасининг ҳайдовчиси ва 2 нафар йўловчиси турли даражада тан жароҳати олган. Ҳодиса жойига тез тиббий ёрдам бригадаси чақирилиб, жабрланганларга шифокорлар томонидан биринчи тез тиббий ёрдам кўрсатилган.

Ҳозирда ҳодисанинг аниқ сабаблари, тўқнашувга олиб келган ҳолатлар, шунингдек, транспорт воситаларининг техник ҳолати ва ҳаракат йўналишлари бўйича тегишли тартибда ўрганиш ишлари олиб борилмоқда. Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув амалга оширилмоқда.

Йўл ҳаракати қатнашчиларидан тезлик меъёрларига риоя қилиш, масофани сақлаш, тунги вақтда эҳтиёткорликни ошириш ҳамда ҳаракат қоидаларига қатъий амал қилиш сўралади.