Қўшимча функционаллар
-
Тунги кўриниш
Эрон ЖЧда иштирок этмаслиги маълум қилинди
Мамлакат спорт вазири бу қарорни хавфсизлик масалалари билан изоҳлаган.
Фото: Global Look Press
Футбол бўйича Эрон миллий жамоаси 2026 йил ёзида АҚШ, Мексика ва Канада мезбонлигида ўтадиган жаҳон чемпионатида иштирок этмаслиги мумкин.
Мамлакат спорт вазири Аҳмад Дунёмоли ОАВга берган интервюсида бунга хавфсизлик масалалари ва АҚШ билан урушни сабаб қилиб келтирган.
«Бу коррупциялашган ҳукумат раҳбаримизни ўлдирганидан сўнг, жаҳон чемпионатида иштирок этишимизга имкон берадиган ҳеч қандай шароит қолмади. Эронга қарши олиб борилган душманлик ҳаракатлари фонида бизга қарши икки марта уруш олиб борилди ва бир неча минг фуқаромиз ўлдирилди. Бундай шароитда бизда иштирок этиш имконияти йўқ», – деган у TV2 телеканали эфирида.
Ҳозирча бу қанчалик якуний қарор экани маълум эмас. Ҳозирча Эрон футбол федерацияси ва ФИФА бу хабар юзасидан изоҳ бермади.
Жаҳон чемпионати 11 июндан 19 июлга қадар АҚШ, Канада ва Мексика яшил майдонларида бўлиб ўтади. Эрон миллий жамоаси Осиё саралаши учинчи босқичида Ўзбекистон билан бир гуруҳда қатнашган ва биринчи ўрин билан мундиал йўлланмасини қўлга киритганди. Қуръа натижаларига кўра Эронга G гуруҳида Белгия, Миср ва Янги Зеландия жамоалар рақиб бўлганди. Эронликларнинг гуруҳ босқичидаги барча ўйинлари АҚШда, икки ўйин Лос-Анжелесда, яна биттаси – Сиэтлда бўлиб ўтиши белгиланган.
АҚШ ва Исроилнинг Эронга тажовузи
