Қўшимча функционаллар
-
Тунги кўриниш
Америка-Ўзбекистон ишбилармонлик ва инвестиция кенгаши расман иш бошлади
Саида Мирзиёева маълум қилишича, Вашингтон шаҳрида Америка-Ўзбекистон ишбилармонлик ва инвестиция кенгаши расман ўз фаолиятини бошлади. Ушбу ташаббус икки мамлакат ишбилармон доиралари ўртасидаги алоқаларни янада мустаҳкамлашга қаратилган.
Президент администрацияси раҳбари Саида Мирзиёеванинг таъкидлашича, мазкур кенгаш қўшма бизнес ташаббуслари учун мустаҳкам институционал асос яратишга хизмат қилади.
Учрашув якунида томонлар ўртасида ўзаро англашув меморандуми имзоланган. Бу эса келгусида Ўзбекистон ва АҚШ ўртасидаги инвестициявий ҳамкорликни янада кенгайтириш учун муҳим қадам сифатида баҳоланмоқда.
Унинг қайд этишича, кенгашнинг ташкил этилишига икки давлат президентлари ўртасида қарор топган юксак даражадаги ишонч замин яратган.
Кенгаш ҳамраиси, элчи Сержио Гор ҳам сўнгги бир йил давомида АҚШ Марказий Осиёда стратегик шерикликни мустаҳкамлаш борасидаги қатъий интилишларини амалда намоён этганини таъкидлаган.
Мавзуга оид
19:52 / 09.06.2026
Президент ҳузурида Тошкент халқаро инвестиция форумига тайёргарлик кўриш масалалари муҳокама қилинди
15:12 / 09.06.2026
Америка бизнеси Ўзбекистон лойиҳаларига қизиқишни кучайтирмоқда — Саида Мирзиёева
21:09 / 08.06.2026
Президент 4-мис бойитиш фабрикаси лойиҳасини ишлаб чиқишни жадаллаштиришни буюрди
17:54 / 06.06.2026