Таклифларни murojaat.byurokratiyasiz2030.uz сайти орқали қолдириш мумкин.
Ҳар сафар «яна бир ҳужжат олиб келинг», «эртага келинг» деган гапни эшитганимизда вақтимиз кетади, ишимиз қолади. Лекин бу талабнинг ўзи керакми, уни бекор қилса бўлмайдими?
Энди фуқаролар ва тадбиркорлар айнан шундай ортиқча талабларни ўзгартириш бўйича таклиф бериши мумкин. Ўзбекистонда «Бюрократиясиз Ўзбекистон» ташаббуси бошланди. Мақсад — одамларни овора қилаётган тартибларни уларнинг ўзидан эшитиб, соддалаштириш.
Сиз ҳам ишингизни битиришда қоғозбозлик ёки ортиқча талабларга дуч келганмисиз? Унда murojaat.byurokratiyasiz2030.uz сайтига кириб, ўз таклифингизни ёзиб қолдиринг.
Қайси тартиб сизни овора қиляпти? У қанча вақтингиз ва маблағингизни оляпти? Уни қандай соддалаштириш мумкин? Аниқ мисоллар билан ёзинг.
Таклифлар йигирманчи ноябргача қабул қилинади. Сизнинг таклифингиз кўпчиликни қийнаётган муаммони ҳал қилишга асос бўлиши мумкин.
