Маъмун университетида халқаро илмий-амалий конференция!

🎓✨Мазкур илмий анжуманда Франция, Италия, Туркия, Тожикистон ҳамда Ўзбекистоннинг турли ҳудудларидан ташриф буюрган археологлар, тарихчи олимлар ва етук мутахассислар иштирок этмоқда.

🌐📚Конференция доирасида иштирокчилар томонидан Амударё ҳавзасининг тарихий тараққиёти, инсон фаолияти натижасида шаклланган ландшафтлар, қадимий маданиятлар ва замонавий илмий ёндашувлар юзасидан долзарб маърузалар тингланмоқда ҳамда илмий фикр алмашинуви олиб борилмоқда.

Шунингдек, тадбир доирасида Хоразмнинг ноёб тарихий обидаларидан бири бўлган Ҳазорасп қалъасида DSc., профессор Машарипов Қудрат томонидан махсус мастер-класс ташкил этилди.

🏰Мастер-класс давомида иштирокчилар қалъанинг тарихий тузилиши, мудофаа тизими ва археологик аҳамияти билан яқиндан танишдилар. Амалий машғулот жараёнида қалъа ҳудуди батафсил ўрганилиб, қатнашчилар ўзларини қизиқтирган саволларга мутахассисдан батафсил жавоб олдилар.

🏰Шу билан биргаликда куннинг иккинчи ярмида Амударё қирғоғида жойлашган Хумбузтепа археологик ёдгорлигида мастер-класслар давом этди. Жумладан, PhD. доц. Баҳром Садуллаев “Хумбузтепа археологик манзилгоҳида олиб борилган қазишмалар натижалари” мавзусида маъруза қилди.

🏰PhD Исмоилов Шоҳрухмирзо эса “Қуйи Амударё ҳавзасидан топилган янги тангалар хазинаси” мавзусидаги маҳорат дарслари тингловчиларда зўр қизиқиш уйғотди.

Бундан ташқари, Тарих кафедраси мудири DSc., профессор Маткаримова Садоқат Мақсудовна эса “Қуйи Амударё халқлари оғзаки ижодида сувнинг аҳамияти” мавзусида амалий машғулот ўтказди.

🏰Шунингдек, конференциянинг мастер-класс қисмида PhD. доц. Раҳимов Шихназар томонидан Хумбузтепа археологик ёдгорлигида махсус амалий машғулотлар ўтказилди. Унда ёдгорликнинг маданий қатламлари, топилган археологик топилмалар ҳақида илмий маълумотлар берилди.

🏰Маҳорат дарси давомида халқаро экспедициялар, замонавий тадқиқот методлари ва энг сўнгги археологик кашфиётлар ҳақида жонли фикр алмашдилар.

🏛🌍Илмий-амалий конференция иккинчи кунги ишини эрталаб меҳмонларни Маъмун университетининг Илмий тадқиқотлар ва инновацион ривожланиш марказида кутиб олишдан бошлади.

🏫 Маъмун университетида “Амударё ҳавзасида антропоген ландшафтлар ва ижтимоий тарих” мавзусида халқаро илмий-амалий конференция юқори савияда ташкил этилган.

➡️Мазкур анжуман Ўзбекистон, Франция, Италия ва Тожикистоннинг етук олимлари, профессорлари ҳамда тадқиқотчиларини бир майдонда жамлаб, Амударё ҳавзасининг тарихий, экологик, маданий ва ижтимоий тараққиётига оид долзарб масалаларни муҳокама қилиш учун муҳим илмий платформага айланди.

🎤Конференциянинг очилиш маросимида Маъмун университети ректор в.б. Сардорбек Шарифзода табрик сўзи билан чиқиш қилиб, бугунги глобаллашув даврида сув маданияти, антропоген ландшафтлар ва экологик тарихни ўрганиш нафақат илмий, балки стратегик аҳамият касб этишини таъкидлади. Шунингдек, университетнинг халқаро илмий ҳамкорликдаги фаол иштироки тобора кенгайиб бораётганини қайд этди.

✨ Ялпи мажлис айниқса хорижлик олимларнинг илмий маърузалари билан алоҳида аҳамият касб этмоқда.

Aix-Marseille университети профессори, HDR доктори Dr. Camille Rhoné-Quer “XIX аср саёҳатномалари асосида Амударёнинг экологик тарихини ўрганиш” мавзусидаги маърузасида тарихий манбаларни замонавий экологик тадқиқотлар билан уйғунлаштириш методологияси ҳақида чуқур илмий фикрлар билдирди.

Болоня университети олими Dr. Simone Mantellini

“Сувни бошқариш орқали ҳудудни шакллантириш: Самарқанд гидравлик тарихи” мавзусида маъруза қилиб, қадимий ирригация тизимлари ва сув бошқарувининг тарихий тараққиётдаги ўрнини илмий асосда ёритди.

CNRS илмий маркази тадқиқотчиси Dr. Johanna Lhuillier

Юқори Амударё ҳудудидаги илк темир даври жамоаларининг атроф-муҳитга мослашув стратегиялари ҳақида қимматли илмий хулосаларни тақдим этди.

Archéorient лабораторияси тадқиқотчиси Dr. Roberto Arciero

Пашкурт водийсидаги сув оқимлари ва ирригация ландшафтларини ўрганиш бўйича олиб борилган дастлабки илмий тадқиқот натижалари билан иштирок этди.

Италиялик географ олим Dr. Andrea Zinzani

“Гидросоциал ҳудудларнинг трансформацияси” мавзусидаги маърузасида тоғ сувлари, давлат сиёсати ва маҳаллий ҳамжамиятлар ўртасидаги мураккаб муносабатларни халқаро тажрибалар асосида таҳлил қилди.

Конференцияда маҳаллий олимларнинг маърузалари ҳам катта қизиқиш уйғотди.

🔹 Профессор Адҳам Аширов — ўзбек халқининг сув билан боғлиқ маданияти ва қадриятлари ҳақида;

🔹 Профессор Садоқат Маткаримова — Амударё ҳавзасидаги эко-маданий трансформациялар, миллий таомлар ва рақс санъатининг ритуал хусусиятлари ҳақида;

🔹 Тожикистонлик профессор Шодмон Воҳидов — қадимги Хоразм суғориш тарихи ва мироблик институти ҳақида илмий маъруза қилди.

🤝Конференция давомида илмий ҳамкорликни кенгайтириш, қўшма тадқиқотларни ривожлантириш ҳамда Амударё ҳавзасининг бой тарихий-экологик меросини халқаро миқёсда чуқур ўрганиш масалаларига алоҳида эътибор қаратилди.

🏫Мазкур халқаро анжуман Маъмун университетининг илм-фан ва халқаро академик ҳамкорлик борасидаги нуфузи тобора юксалиб бораётганини яна бир бор намойиш этди.

Маъмун университети матбуот хизмати

WEB SAYT | INSTAGRAM | FACEBOOK | YOUTUBE | ENGLISH

Реклам ҳуқуқи асосида