Украина Россия ҳаво ҳужумларига қарши туриш учун «Патриот» ҳаво мудофааси ракеталарини қидирмоқда. Зеленскийнинг Вашингтонга сафаридан асосий мақсад ҳам Украина ҳаво мудофааси учун қўшимча имкониятларни топиш, буни АҚШ билан муҳокама қилиш эди. АP нашрининг ёзишича, Оқ уйдаги музокарада «Патриот» ракета тутиб қолувчи тизимларни ишлаб чиқариш бўйича лицензия ва ҳамкорлик масаласи гаплашилган. Бундан ташқари, Трамп Россия билан тинчлик музокараларини қайта тиклаш масаласини ҳам кўтарган.
Учрашувдан кейин Зеленский ўз ижтимоий саҳифаларида мулоқот яхши ўтгани, овал кабинетда эса Трамп НАТО саммитида ваъда берган мавзу – ҳаводан мудофаа тизимларини ишлаб чиқариш учун лицензия масаласини гаплашганини ёзди.
Маълум бўлишича, Зеленскийнинг сафари қисқа муддатда ташкилланган ва унга муносабат аввалгига қараганда илиқроқ бўлган бир пайтда амалга оширилмоқда. Президент АҚШнинг Киевга ҳарбий ёрдамини таъминлашга ҳаракат қилмоқда.
Айтиш жоизки, «Патриот» қуроллари Украина учун ҳаводан ҳужумни ушлаб қолувчи асосий тизим бўлиб қолмоқда ва Киевнинг қўлида бу қуроллар сурункали камайиб бормоқда. Зеленскийнинг Трамп билан учрашуви ҳарбий ёрдам ҳақида ҳеч қандай расмий эълонсиз якунланди.
Бенямин Нетаняҳу эса АҚШ-Исроил муносабатлари Эрон бўйича турли қарашлар туфайли ёмонлашган бир пайтда сафар қилмоқда. Шунингдек, Исроил бош вазири мамлакатида сайловларга 3 ой қолганида ҳамда Ғарбий соҳилда рейдлар авж олган пайтда Вашингтонда.
Нетаняҳу ва Трамп шу йилнинг 28 февралида Теҳронга ҳужумлар бошланганидан бери биринчи марта Оқ уйда кўришмоқда. Икки сиёсатчи Эрондаги режимни ағдаришга бел боғлаганидан 5 ой ўтиб, энди урушни қандай бошқаришни муҳокамадан ўтказмоқда.
Нетаняҳу Трамп маъмурияти даврида АҚШнинг бошқа президентлари давридагига қараганда Оқ уйга кўпроқ марта ташриф буюрган. Сиёсий таҳлилчиларга кўра эса, Нетаняҳу қайта сайланиш учун Трампнинг қўллаб-қувватловини кутмоқда.
Сафардан аввал Оқ уй расмийси Reuters ахборот агентлигига икки томон Эронга қарши уруш, шунингдек, Исроилнинг «Ҳизбуллоҳ»ни нишонга олиши ортидан Эроннинг Ливанни тарк этиш талабини муҳокама қилиши мумкинлигини айтган.
Куннинг иккинчи ярмида эса марҳум сенатор Линдси Гремнинг дафн маросими ўтказилди.
