Ҳафта давомида ФИФА президенти Жанни Инфантино футбол бўйича жаҳон чемпионатини ўтказиш ҳуқуқини Трампнинг қудасига сотишга уриниб, муваффақиятсизлика учради, Зеленский ва Нетаняҳу Вашингтондаги дафн маросимига бориб, ўз дардини айтиб келди, Украина Россияда топиб олган осон нишон — WB обморларига дрон учиришни давом эттирди. Қуйида ҳафтанинг шу ва бошқа баъзи воқеаларини ёдга оламиз.
Вашингтондаги учрашувлар
Ҳафта давомида Украина президенти Володимир Зеленский ва Исроил бош вазири Бинямин Нетаняҳу Америкага бориб Доналд Трамп билан учрашди. Улар расмиятчилик учун ҳар икки давлатга дўст эканини айтган сенатор Гремнинг дафн маросимида иштирок этишга борганини айтди, лекин баҳонада Трамп билан гаплашиб келишди.
Зеленский Трампдан қишда Украина энергетикасини Россия зарбаларидан ҳимоя қилиш учун Patriot ракеталари сўради. Трамп аввалроқ Зеленский билан учрашувда Америка Украинага Patriot ҳаво ҳужумидан мудофаа тизимлари учун ракета ишлаб чиқариш лицензиялари тақдим этишини айтганди. Лекин Трампнинг фикри ўзгариб қолди. У бирданига «бу қуролларни бизга қарши ишлатишса-чи» деб қолди. Зеленский ҳеч бўлмаса қишда Украинани ҳимоя қилиш учун етарли ракета сўраган, лекин рад жавобини олган кўринади.
Нетаняҳу Трамп иккинчи муддатига киришганидан кейин «у билан энг кўп учрашган сиёсатчи эканини» таъкидлаб айтди. Яъни, шунчаки учрашишнинг ўзи муҳим эди Исроил бош вазири учун. Айтганча, Нетаняҳу сентябрда Ню-Йоркда ўтадиган БМТ йиғилишига ҳам боришини анонс қилди. Ню-Йорк ҳокими Мамдани Нетаняҳуни ҳарбий жиноятчи деб атаб, федерал кучларни уни ҳибсга олишга чақирган. Шу сабаб Нетаняҳунинг Ню-Йоркка ташрифи атрофида катта интрига юзага келмоқда.
Испанияда мигрантлар босқини
Ҳафтанинг энг шов-шувли воқеаси Марокаш томондан Испания чегарасини минглаб одамлар бузиб киргани бўлди. Сеута шаҳрига Африка давлатидан 3 минг атрофида ноқонуний муҳожирлар бостириб кирган. Июл ойи бошида Испанияда ноқонуний мигрантларни осонлаштирилган тарзда қайтариб юбориш тартиби бекор қилинганди. Ҳукуматнинг фикрича, мафия ва жиноий ташкилотлар бу қарордан ўз манфаати учун фойдаланиши миграция оқимини кучайтирган.
Воқеа жойидаги журналистларнинг ёзишича, Испания чегараси очиқ қолгани ҳақида эшитгач, марокашликлар ҳам Сеутага киришга ошиққан. Одамлар оддий пуфланадиган қайиқда Испания соҳилларига етиб келган, кейин чегарани бузиб кирган. Денгизда 9 кишининг жасади топилган, тиқилинчда камида 60 киши ҳалок бўлган.
