Президент қарори билан чорвачилик соҳасини давлат томонидан қўллаб-қувватлашнинг янги механизмлари белгиланди. Ҳужжат тармоқда маҳсулдорликни ошириш, наслчилик ишларини такомиллаштириш, инвестицияларни жалб қилиш ва замонавий технологияларни кенг жорий этишга қаратилган.
Қарорга мувофиқ, наслли чорва молларини етиштириш ва кўпайтириш билан шуғулланувчи хўжаликлар давлат томонидан субсидиялар ва бошқа қўллаб-қувватлаш чоралари билан таъминланади. Шунингдек, чорвачилик лойиҳаларини амалга ошириш учун имтиёзли молиялаштириш механизмлари кенгайтирилиб, тармоққа хусусий инвестицияларни жалб қилиш рағбатлантирилади.
Ҳужжатда озуқа базасини мустаҳкамлаш, ветеринария ва наслчилик хизматлари сифатини ошириш, юқори маҳсулдор наслли чорва моллари сонини кўпайтириш ҳамда маҳаллий ишлаб чиқарувчиларнинг рақобатбардошлигини оширишга алоҳида эътибор қаратилган.
Бундан ташқари, тармоқда замонавий технологиялар ва илғор бошқарув усулларини жорий этиш, ишлаб чиқариш самарадорлигини ошириш, гўшт ва сут маҳсулотлари ҳажмини кўпайтириш орқали ички бозорни барқарор таъминлаш ҳамда экспорт салоҳиятини юксалтириш мақсад қилинган.
Янги чора-тадбирлар чорвачилик билан шуғулланаётган фермерлар, деҳқон хўжаликлари ва тадбиркорларни ҳар томонлама қўллаб-қувватлаш, соҳага инвестиция жалб қилиш ва аҳолини сифатли озиқ-овқат маҳсулотлари билан таъминлашга хизмат қилиши кутилмоқда.
