Июль ойида АҚШ Иммиграция ва божхона назорати хизмати (ICE) агентлари 49,5 минг нафар мигрантни қўлга олди, бу июнь ойидаги (43 минг киши) кўрсаткичдан 15 фоизга кўп. Associated Press хабарига кўра, бу АҚШ президенти Доналд Трампнинг иккинчи муддати давомидаги рекорд кўрсаткич.
Доналд Трамп лавозимига киришишидан бир ой олдин ҳибсга олишлар сони ойига тахминан 8 минг кишини ташкил этган. Улар асосан мамлакатдан чиқариб юбориш учун қамоқхоналардан ICE ихтиёрига топширилган мигрантлар эди.
Трамп иккинчи президентлик муддатининг бошиданоқ ноқонуний миграцияга қарши кенг кўламли кампанияни бошлади. Хусусан, у АҚШда туғилган болалар учун автоматик фуқаролик ҳуқуқини бекор этишга ҳаракат қилди. Кейинчалик Олий суд президент фармонини Конституцияга зид деб топиб, ушбу ташаббусни рад этди.
