Президент Шавкат Мирзиёев Мустақиллик байрами арафасида Ўзбекистон бўйлаб янги лойиҳаларни ишга тушириш маросимида телекўприк орқали ҳудудлар раҳбарлари билан мулоқот қилди. Давлат раҳбари Самарқанд вилояти ҳокими Эркинжон Турдимов билан мулоқотда “сиёсий ирода бўлмагани учун ўзбек халқи пахтага қул бўлгани”ни айтди.

Э.Турдимов: — Ҳурматли президент, сиз олиб бораётган сиёсатингиз билан дунёни ўзбек халқини, янги Ўзбекистонни тан олишга мажбур қилдингиз. Охирги 10 йил давомида асрга татигулик залворли, мазмунли тарих яратиб бердингиз. Конвертация масаласи қандай эди илгари, буни тўғрилаб бердингиз. Коллеж деган бир бало бўларди, ҳамма одам кўчада эди, ҳурматли президент. Илмга асосланган 11 йиллик таълим тизимини жой-жойига қўйиб бердингиз, ҳурматли президент. Энг асосийси, қўшни давлатлар билан дўстона алоқаларни яратиб бердингиз.

Ҳурматли президент, кўп айтасиз, пахтага тобе эдик. Пахта қуллигидан ҳам халос қилдингиз. Мактаб ўқувчилари даладан чиқмас эди. Бу нарсалар ўз-ўзидан бўлгани йўқ...

Ш.Мирзиёев: — Лекин ҳамма унутиб юборди у қулликни. Сиёсий ирода йўқлигидан ҳаммамиз пахтага қул эдик ҳақиқатда. 24 соат, 12 ой шудгор, чеканка, дефолиация, терим билан шуғулланар эдик, бошқа ҳеч бало билан шуғулланмасдик.

Э.Турдимов: — Ҳурматли президент, яна бир нарса, мана, тадбиркорлик бўйича кенг йўл очиб бердингиз. Умуман кутмаган, тарихий қарорларни қабул қилдингиз. Озарбойжон президенти жаноб Алиев кеча шуни бежиз айтаётгани йўқ: “Шавкат Миромонович қилган катта ишлар ва ислоҳотлар бўлмаганида, бирорта ҳам ҳамкорлик лойиҳасини амалга оширишнинг имкони бўлмас эди”, деб айтди, ҳурматли президент. Бунинг ҳаммаси сизнинг қатъиятингиз, узоқни кўра билишлигингиз натижасида содир бўлди, ҳурматли президент.

Мана, Сирдарё вилояти ҳам бугун аграр вилоятдан саноатлашган вилоятга айланиб бўлди, ҳурматли президент. Ҳозир ҳам телевизорга қараб турибмиз, кўп объектлар очиляпти, шу объектлар, ҳурматли президент, ҳаммаси сизнинг ислоҳотларингиз натижаси. Совет пайтига назар ташласак, шу объектни очиш учун КПССнинг қарори қабул қилинарди. Кейинам бу чала қолиб, буям қолиб кетарди. Ҳозир-чи?

Ш.Мирзиёев: