Президент матбуот хизматининг маълум қилишича, савдо-иқтисодий, инвестициявий, маданий-гуманитар ва бошқа йўналишлардаги ҳамкорликни ривожлантириш ва чуқурлаштиришга қаратилган қуйидаги ҳужжатлар имзоланган:
– Ҳиндистон бош вазири Нарендра Модининг Ўзбекистонга ташрифи якунлари бўйича қўшма баёнот;
– Ўзбекистон ҳукумати ва Ҳиндистон ҳукумати ўртасида 2026-2030 йилларга мўлжалланган маданий алмашинувлар дастури;
– Аюрведа ва анъанавий тиббиётнинг бошқа йўналишларида ҳамкорлик тўғрисидаги ўзаро англашув меморандуми;
– Олий таълим ва илмий тадқиқотлар соҳасидаги ҳамкорлик тўғрисида битим;
– Атроф-муҳитни муҳофаза қилиш соҳасидаги ҳамкорлик тўғрисида битим;
– Фаёзтепа ва Қоратепа ҳудудларида археологик тадқиқотлар ўтказиш тўғрисида баённома;
– Иқтисодий ва молиявий мулоқот тўғрисида ўзаро англашув меморандуми;
– 2026-2028 йилларда туризм соҳасидаги ҳамкорлик дастури;
– Геология ва минерал ресурслар соҳасидаги ҳамкорлик тўғрисида ўзаро англашув меморандуми;
– Архив иши соҳасидаги ҳамкорлик тўғрисида ўзаро англашув меморандуми;
– Жаҳон иқтисодиёти ва дипломатия университети (Тошкент) ҳамда Ташқи алоқалар институти (Ҳиндистон) ўртасидаги ҳамкорлик тўғрисида ўзаро англашув меморандуми;
– Самарқанд вилояти ва Гужарат штати ўртасида шериклик муносабатларини ўрнатиш тўғрисида битим.
Шунингдек, якунда етакчилар оммавий ахборот воситалари вакиллари билан учрашув ўтказиб, музокаралар якунлари юзасидан фикр билдирди.
Шавкат Мирзиёев Ҳиндистон бош вазирининг Ўзбекистонга тарихий ташрифи катта аҳамиятга эга эканини алоҳида таъкидлади. Ҳиндистон жаҳон миқёсида ишончли ва салоҳиятли стратегик шерик экани эътироф этилди.
