Fransiya bosh vaziri masjidlarni xorijdan moliyalashtirishni taqiqlash fikrini bildirdi

Fransiya o‘z hududida barpo etilajak masjidlarni xorijdan moliyalashtirishni taqiqlashi mumkin. Mamlakat bosh vaziri Manuel Vals Le Monde gazetasiga bergan intervyusida shunday fikr yuritgan.

"Fransiyadagi Islom bilan munosabatning yangi turini o‘ylab topish kerak. Men Fransiyada qurilayotgan masjidlarga xorijdan moliyaviy yordam berilishini vaqtincha taqiqlash tarafdoriman", - degan bosh vazir.

"Fransiyaning terrorizmga qarshi kurashi uzoq davom etadi va biz boshqa qo‘poruvchiliklarga ham guvoh bo‘lamiz. Biroq, biz o‘z strategiyamizga ega bo‘lganimiz sababli g‘alaba qozonamiz", - deya ishonch bildirgan Vals.