Toshkentdagi Oqtepa maydoni va Muqimiy ko‘chalaridagi transport tuguni qurilishi o‘z nihoyasiga yetmoqda

Toshkentda Nurafshon ko‘chasini "Tinchlik" metro stansiyasidan Muqimiy va Nukus ko‘chalari bilan bog‘lab, shahardagi uchinchi halqa yo‘lini tashkil etadigan Chilonzor Oqtepa maydonidagi transport tuguni qurilishi deyarli nihoyalab qoldi. Bu transport tugunining uzunligi 22 km ni tashkil qiladi. Bu haqda uz24.uz nashri xabar bermoqda. 

Kichik halqa yo‘li boshqa ko‘chalarga tushadigan transport yuklamasini kamaytiradi va shahar markazidan Chilonzor, Eski shaharga (va aksincha) yetib olish imkonini berib, 8 ta tumanni bog‘laydi.

Oqtepadagi tugun 7 ta ko‘cha, jumladan Lutfiy, Muqimiy, Samarqand darvoza va Nurafshon ko‘chalari uchrashadigan bo‘lg‘usi magistralning oxirgi qismi hisoblanadi. Yangi trassa Muqimiy ko‘chasidan burilishlarsiz harakatlanish imkonini beradi.

Lutfiy va Muqimiy ko‘chalarida piyodalar uchun Sebzor va Abdulla Qodiriy ko‘chalari kesishmasida qurilganga o‘xshash ikkita yer usti o‘tish joyi qurildi.

Shuningdek, Muqimiy ko‘chasining katta ko‘lamdagi rekonstruksiyasi ham yakunlanmoqda: avval tramvay yo‘li o‘tgan yo‘l chetida joylashgan ko‘plab do‘konlar, kafe, salon va boshqa inshootlar olib tashlandi.

Turar joy binolari, ta'lim muassasalari, umumiy ovqatlanish va xizmat ko‘rsatish shaxobchalari binolari bir xilda oqish rangga bo‘yab chiqildi. Ba'zi joylarda avtobus yo‘nalishlari bo‘ylab oynavand bekatlar o‘rnatildi. 

Quyida ushbu qurilish ishlarining oxirgi bosqichidan olingan suratlar keltirilgan.