Yo‘lovchilardan birining ma'lum qilishicha, Avstraliyaning Qantas aviakompaniyasi yo‘lovchilarni parvoz vaqtida Samsung Galaxy Note 7 smartfonini quvvatlash taqiqlanishidan ogohlantirdi.
Aviakompaniya vakili bu axborotni tasdiqladi va taqiqlov Samsung smartfon quvvatlash vaqtida o‘z-o‘zidan alangalanib ketishi holatlari sababli uni qaytarib olishni e'lon qilgandan keyin ehtiyot chorasi sifatida kiritilganini ma'lum qildi.
Xuddi shunday taqiqlov Avstraliyaning Jetstar va Virgin Australia aviakompaniyalarida ham kiritildi. Ta'kidlanishicha, qurilmani samolyotga olib chiqish mumkin, biroq uni quvvatlashga qo‘yish mumkin emas.
Samsung ushbu nosozlikni yaqin haftalarda hal qilishini aytgan.
