Toshkent Moda haftaligi-2016 noyabr oyida bo‘lib o‘tadi

2016 yilgi Toshkent Moda haftaligi 22-27 noyabr kunlari O‘zbekiston poytaxtida bo‘lib o‘tadi. Bu haqida tashkilotchilarning matbuot relizida ma'lum qilindi. 

Toshkent Moda haftasining asosiy maqsadi - O‘zbekistonda moda sanoatini yanada rivojlantirish va rag‘batlantirish, ijodiy salohiyatni rivojlantirish, barcha dizaynerlar uchun keng imkoniyatlar ochish, yangi nomlarni kashf qilish, Sharq an'analari va go‘zalligini zamonaviy ifodalanishi.

Tashkilotchilarning ta'kidlashicha, Moda haftaligi doirasidagi barcha tadbirlar professional muhitni shakllantirish va dunyo moda sanoatida xalqaro hamkorlikni yo‘lga qo‘yishga yo‘naltirilgan. 

Moda haftaligi doirasida ko‘plab tadbirlar o‘tkaziladi: "Milliy libos" festivali, #beyoung, mahalliy va xorijiy dizaynerlarning mualliflik namoyishlari. Haftaga  TNM'ning eng yaxshi kolleksiyalari Gala-taqdimoti, shuningdek yetakchi xorijiy dizaynerlarning mahorat darslari yakun yasaydi.

Bundan tashqari, Moda haftaligi doirasida o‘zbek matolari va amaliy san'at namunalari ko‘rgazmasi ham tashkil etiladi. 

Italiya, Koreya va boshqa mamlakatlar moda sanoati vakillari ushbu tadbirning maxsus mehmoni bo‘lishadi.