USADA rahbari amerikalik sportchilar dopingni qonun doirasida qabul qilishganini aytdi

Jahon aksildoping agentligi (WADA) AQShlik sportchilar – opa-singil tennischilar Uilyams, gimnastikachi Simone Bayls va basketbolist Yelena Delle Donnga davolovchi maqsadlarda taqiqlangan moddalarni qabul qilishga ruxsat bergan, deb aytdi AQSh aksildoping agentligi (USADA) rahbari Trevis Taygart.

Avvalroq Fancy Bear xakerlik guruhi WADA’ning aksildoping ma'lumotlar bazasiga buzib kirgani ma'lum qilingandi. Guruh tomonidan chop etilgan hujjatlarda Serena va Vinus Uilyams, Baylz va Delle Donn WADA ruxsati bilan taqiqlangan moddalarni qabul qilganlari ayon bo‘lgan. Bundan tashqari, agentlik gimnastkachi va basketbolchining 2016 yildagi ijobiy doping sinovlarini yashirgan.  

Xalqaro Olimpiya qo‘mitasi "R-Sport" agentiligining so‘roviga javoban opa-singil Uilyams va Simona Baylz Riodagi Olimpiadada aksildoping qoidalarini buzmaganliklarini ma'lum qilgan.

"Olimpiya harakati uchun xakerlar maxfiy tibbiy ma'lumotlarni sportchilar nimanidir noto‘g‘ri qilgandek ko‘rinishlari uchun ularni yomon otliq qilish maqsadida noqonuniy ravishda olishlari aqlga sig‘maydi. Sportchilar buni qilmaganlar. Bu fakt", deb aytdi Taygart.

Taygart ushbu holatni "aybsiz sportchilarga nisbatan qabihona qo‘rqoqlarcha uyushtirilgan kiberbezorilik" deb atadi va jahon hamjamiyatini "toza sport va atletlar huquqlariga kiberhujumlarga qarshi" birlashishga chaqirdi.