15:13 / 20.09.2016
10875

You Tube'da "Vecherniy Urgant" ko‘rsatuvining muqobili havola qilindi (video)

Qoraqalpog‘iston televideniyesida Rossiya 1-kanali orqali efirga uzatiladigan, Ivan Urgant boshlovchilik qiluvchi "Vecherniy Urgant" shousining mahalliy muqobili paydo bo‘ldi. Uni You Tube kanali orqali ko‘rishingiz mumkin.

Yangi ko‘rsatuvning nomi - "Haz!lkesh". Unda Ivan Urgantning rolida Yumorbek taxallusini olgan qiziqchi-jurnalist namoyon bo‘ladi. Ushbu ko‘rsatuvga xuddi "Vecherniy Urgant"dagidek mehmonlar taklif etilgan va boshlovchi ular bilan hazil suhbat uyushtirgan. Ularni zaldagi tomoshabinlar olqishlab turishadi. 

"Haz!lkesh" dasturining birinchi soni qo‘shiqchilik mavzusiga bag‘ishlangan. Unda boshlovchi qo‘shiqchi bo‘lish uchun insonga nimalar kerak bo‘lishini sanab o‘tadi. 

Ilk ko‘rsatuvning mehmoni - endigina sahnalarni zabt etayotgan qoraqalpog‘istonlik yigitlardan iborat "Fantaziya" hazilkash guruhi. Ular ko‘rsatuv orqali o‘z iste'dodlarini namoyish qilib, hazil-qo‘shiqlar taqdim etishadi.

Top