Bag‘dodda portlash yuz berishi oqibatida 6 kishi halok bo‘lib, 18 kishi jarohatlandi

Iroq poytaxti Bag‘dod shahri g‘arbida portlash sodir etilishi oqibatida 6 kishi halok bo‘lib, kamida 18 kishi jarohatlandi.

"Terakt xudkush terrorchi vositasida sodir etilgan. U Iskan tumanida aholi gavjum hududga hujum qilgan, natijada 6 kishi halok bo‘lib, 18 kishi jarohatlangan", degan manba.

Iskan tumani shialar ko‘p istiqomat qiluvchi hudud hisoblanadi.

Bu terakt uchun javobgarlikni hozircha hech bir tashkilot o‘z zimmasiga olmadi. Odatda Iroqdagi shialar istiqomat qiluvchi hududlarga IShID tomonidan hujumlar sodir etiladi.