"Liverpul" 121 yil ichidagi o‘zining eng sermahsul mavsum boshini o‘tkazdi

"Liverpul" joriy mavsumning dastlabki 8 o‘yinida raqib jamoalar darvozasiga 24 ta to‘p kiritib, oxirgi 121 yil ichida mavsum boshida urilgan to‘plar miqdori bo‘yicha o‘zining eng yaxshi natijasini ko‘rsatdi. Klub uchun bu ko‘rsatkich bo‘yicha eng sermahsul mavsum 1895/96 yillardagi mavsum bo‘lib, o‘shanda jamoa dastlabki 8 uchrashuvda 34 ta gol kiritgandi.

Yurgen Klopp jamoasi Angliya chempionatining 6-turida o‘z maydonida "Xall Siti"ni 5:1 hisobida tor-mor etdi va 13 ochko to‘plab, musobaqa jadvalida 4-o‘rinni egallamoqda. Klub hisobida chempionatda ayni vaqtda 16 to‘p bor.