Yahoo kompaniyasi 2015 yilda maxfiy ravishda AQSh maxsus xizmatlari talabi bilan portal foydalanuvchilari elektron maktublarini skanirlaydigan dastur yaratgan. Bu haqda xabardor manbalarga iqtibos keltirgan holda Reuters axborot agentligi xabar bermoqda.
Kompaniyaning sobiq xodimlari axborot agentligiga barcha pochta qutilarining yoppasiga kuzatilishi AQSh maxfiy topshirig‘i doirasida amalga oshirilganini ma'lum qilishgan. Ularning aytishicha, Yahoo rahbari Marissa Mayyerning topshiriq talablariga bo‘ysunishga qaror qilishi kompaniyani o‘tgan yil iyunida axborot xavfsizligi boshlig‘i Aleks Stemos tark etishiga olib kelgan. Stemos hozirda xuddi shunday lavozimda Facebook’da ishlamoqda.
Bir qator mutaxassislarning fikricha, gap internet-kompaniya barcha kiruvchi xabarlarni to‘liq ko‘rishga rozi bo‘lgan birinchi holat haqida ketmoqda. Avvalroq maxsus xizmatlar manfaati yo‘lida saqlangan ma'lumotlar yoki real vaqtda kichik miqdordagi xabarlar skanirlangan.
Yahoo rahbariyati bunga izoh berish haqidagi iltimosga AQSh konunlariga amal qilishi bilan javob bergan.
