Olmoslar kelajak kompyuterlarining asosiy qismiga aylanadi 

Harvard universiteti va Rossiyaning kvant markazi (RKM) olimlari olmoslar asosida yangi turli kvant kompyuterining elementini yaratishga muvaffaq bo‘lishdi. Bu haqda Science ilmiy jurnali xabar qiladi.

«Bunday olmoslar yetarlicha oddiy va ishonarli kvant kompyuterlarini yaratish uchun yaxshi asos bo‘lib xizmat qilishi mumkin. Ular optik kvant tarmog‘i, o‘ta sezgir sensorlar uchun element sifatida ishlashi mumkin», — dedi tadqiqot hammuallifi Denis Sukachev.

Fiziklar ilk bor atom kremniy bilan "bog‘langan" olmoslar asosidagi kubit va optik tranzistorni yaratishdi. Bu esa kvantli kriptografiya uchun o‘rnatish imkonini kengaytiradi.

Professor Mixail Lukin boshchiligidagi olimlar guruhining fikricha,  ularning tadqiqoti hozirgi kunda kvant kompyuterlarini yaratish uchun eng mashhur yechimlardan biri bo‘lgan muqobil kubit hisoblanadi. 2016 yilning sentabr oyi oxirida D-Wave Systems kompaniyasi San-Frantsiskodagi anjumanda supero‘tkazuvchi kubitlar asosidagi  kompyuterni taqdim etdi.

Kubitlar — kvant kompyuter uchun hisoblash elementlari sanaladi. Ular kompyuterlarga bir takt ichida ko‘plab hisoblashlarni amalga oshirishga imkon beradi.