McDonald’s soqov kishi bilan suhbatlashmagani uchun jazolandi

AQShning McDonald’s kompaniyasi, Missuri shtati janubi-sharqidagi restoran menejyeri soqov kishi bilan suhbat o‘tkazishni rad etgani uchun 56,5 ming dollar miqdorida jarima to‘laydi. Soqov odam ish qidiruvchi bo‘lgan, deb xabar qilmoqda Associated Press agentligi.

Bandlikka teng imkoniyatlar masalalari bo‘yicha komissiyaning ma'lum qilishicha, yosh kishi 2012 yilda Beltondagi McDonald's restoranida ishga joylashish maqsadida onlayn ariza topshirgan. U shu paytgacha oshpaz va restoran farroshi kabilarda ish tajribasiga ega bo‘lgan. 

Komissiya tomonidan berilgan arizada aytilishicha, restoran menejyeri ish qidirayotgan kishiga surdotarjimon kerakligini bilgach, suhbatni bekor qilgan. Bunda, ariza beruvchining singlisi bu xizmatni ado etishni taklif qilganini e'tiborga olmagan.