Rossiya TIVga xakerlik hujumi uyushtirildi

AQSh Davlat departamenti Rossiya tashqi ishlar vazirligi rasmiy sayti buzilish bilan bog‘liq yangilikni izohlashdan bosh tortdi, deb xabar qilmoqda TASS agentligi. 

AQSh Davlat departamenti matbuot xizmati vakili «Biz buni izohlamaymiz», — deya javob qaytargan shu xususda berilgan savolga. 

CNN telekanali xabar qilishicha, o‘zini The Jester deb nomlagan amerikalik xaker, RF TIV rasmiy saytiga kiberhujum uyushtirgani va unda diplomatlarga murojaat qoldirgani haqida xabar qilgan edi. Keyinroq, Rossiya TIV rasmiy vakili Mariya Zaxarova ushbu xabarni izohlagan edi. Uning Feysbukdagi sahifasida aytishicha, vazirlikning eski saytiga hujum uyushtirilgan.