Dubayda haydovchisiz boshqariladigan avtomobillar sinovdan o‘tkazilmoqda

Dubay yo‘l va transport boshqarmasi haydovchisiz boshqariladigan mashinalarni sinovdan o‘tkazishni boshladi, ularning har biri 10 kishigacha yo‘lovchi olib yura oladi. Bu haqda Arabian Business xabar bermoqda.

Ayni damda ushbu turdagi transportlar Business Bay tumanida 650 kilometr masofada harakatlanishmoqda.
Boshqarma vakili Ahmed Bahroziyanning so‘zlariga ko‘ra, bu mashinalarda sinov o‘tkazishdan maqsad, ularning Dubay iqlimi sharoitida harakatlanishini tekshirishdir.

Dubay hukumati strategiyasiga muvofiq 2030 yilga kelib shaharda harakatlanuvchi 25 foiz transport vositasi haydovchisiz boshqariladigan mashinalar bo‘ladi.