Kanadalik juftlik muz ustida raqs ijro etish bo‘yicha jahon rekordi o‘rnatdi

Vankuverning olimpiya chempionlari, kanadalik figurali uchuvchilar Tessa Virtu va Skott Moir Yaponiyada o‘tayotgan muz ustida figurali uchish bo‘yicha Gran-pri bosqichida qisqa va erkin dastur natijalariga ko‘ra yangi jahon rekordi o‘rnatdilar.

Ular ikki dastur natijalariga ko‘ra 195,84 ball to‘plashdi.

Avvalgi rekord natija amerikalik juftlik Meril Devis va Charli Uaytga tegishli bo‘lgan: ular 2014 yilgi Sochidagi Olimpiadada o‘z ishtiroklari uchun 195,52 ball olishgandi.