Boliviya prezidenti Evo Morales Kuba inqilobi yetakchisi Fidel Kastro AQShga qarshi o‘z hayoti davomidagi barcha janglarda g‘alaba qozonganligini ma'lum qildi.
"Fidel abadiy va o‘z qilmishlariga javob bermaydigan imperiya kuchlari yo‘qligini ko‘rsatib berdi. U imperiyaga (AQSh) qarshi barcha janglarda g‘alaba qozondi. Shuningdek, odob-ahloq va siyosiy kurashlarda g‘olib chiqdi. Fidel – bu insoniyat uchun kurashning sinonimidir”, - deya ma'lum qildi Morales Havanada tashkil etilgan Kastro bilan vidolashuv marosimida.
Uning so‘zlariga ko‘ra, XX asr tarixini Fidel va Kubasiz tasavvur qilish mumkin emas. "Fidel va Kuba dunyoni o‘zgartirishdi. Biroq, ular har doim oramizda qoladi. G‘oyalar o‘lmasligi aniq. Sababi kurash hech qachon to‘xtamaydi”, - dedi Boliviya prezidenti.
