AQShda politsiyachi BAAlik talabani otib tashladi

AQShning Ohayo shtatida politsiya xodimi u bilan ziddiyatga borgan BAAlik talabani otib tashladi. Bu haqda mahalliy hukumat ma'lumotiga asoslanib, “Reyter” xabar bermoqda.
Agentlik ma'lumotiga ko‘ra, voqea yakshanba kuni yuz bergan. Politsiyaga yo‘l harakati buzilganligi to‘g‘risida ma'lumot kelib tushadi. Politsiyada ma'lum qilishlaricha, xavfli harakat qilgan avtomobil qayrilib to‘xtaydi, haydovchi o‘rmonga berkinadi. U yerda uni politsiya quvib yetadi. Huquqni muhofaza qilish organi xodimi bilan ziddiyat yuzaga keladi va yigit otib tashlanadi.
Ma'lumotlarga ko‘ra, halok bo‘lgan yigit 26 yoshda bo‘lib, ismi Saif Nosir Muborak Alameriy bo‘lgan. U Klivlend universitetida tahsil olgan. Uning o‘limiga qotillik sifatida qaralmoqda.
Agentlik xabariga ko‘ra, BAA TIV vakili elchixona mazkur ishni o‘rganayotgani haqida ma'lum qilgan.