Istanbuldagi teraktlar ortida kim turibdi?

«Kurdiston ozodligi lochinlari» kurd radikal guruhi Istanbul stadioni yaqinidagi portlashlar yuzasidan javobgarlikni o‘z zimmasiga oldi, deb xabar qilmoqda Reuters agentligi. U Kurdiston ishchi partiyasining shaxobchasi hisoblanadi. 

Ushbu hodisa tufayli Turkiya prezidenti Rajab Toyyib Erdo‘g‘an xavfsizlik masalalariga bag‘ishlangan majlis o‘tkazdi. 

Eslatib o‘tamiz, Istanbuldagi Vodafone Arena stadionida ikkita terakt sodir etildi.

So‘nggi ma'lumotlarga ko‘ra, 38 kishi hayotdan ko‘z yumgan, 155 nafar odam jarohatlangan. Halok bo‘lganlarning 30 nafari politsiya xodimlaridir.