Kun videosi: Messidan ayrilmagan Murtazo

13 dekabr kuni Saudiya Arabistoni chempioni «Al-Ahli» Ispaniya chempioni «Barselona»ga qarshi maydonga tushdi. 

Ushbu uchrashuv arafasida tashkilotchilar kataloniyaliklar hujumchisi Lionel Messi va uning afg‘onistonlik 6 yoshli muxlisi, shu yil boshida o‘z kumiri futbolkasini polietilen paketdan yasab olib, internet orqali mashhurlashib ketgan afg‘onistonlik Murtazo Ahmadiyning uchrashuvini uyushtirishdi.

Murtazo o‘rtoqlik o‘yini boshlanganida ham Messi bilan qo‘l ushlashib, maydonga chiqib kelgan. U bu vaqt davomida hamda jamoa futbolchilari bir-birlari bilan ko‘rishib chiqayotganida Messidan ayrilmagan va futbolchining qo‘li bandligida uning shortigidan tutib olgan.

Keyin u to‘pni o‘yinni boshlash uchun o‘rnatib bergan. Hakamlar uni maydon chetiga taklif qilishganida avvaliga tashqariga yo‘nalgan, keyin esa burilib, yana Messi oldiga chopgan. Messi Murtazoning bu harakatlariga samimiy munosabatda bo‘lib, uning boshini silagan. Tez orada o‘yin hakami yetib kelib, bolakayni opichlagan va uni maydondan olib chiqib ketgan.

{Yii::t(}

O'tkazib yuborish 6s

O'tkazib yuborish