Video: Ruandada futbolchilar o‘yin vaqti afsungarlik qilishi taqiqlandi

Ruanda chempionati doirasidagi o‘yinlardan birida mehmon jamoa hujumchisi raqib darvozasi oldida afsungarlarga taqlid qilgan holda harakat qildi, biroz vaqt o‘tib uning o‘zi shu darvozaga gol urdi. Bu holat mamlakat federatsiyasi turnir reglamentiga yangi qoidalar kiritishiga olib keldi.

Aniqlik kiritilishicha, «Kigali» jamoasi hujumchisi Mussa Komara hisob 0:1 bo‘lib turganida mezbonlar darvozasi tomon chopib borgan va darvoza to‘sini oldida tushunarsiz amallar bajargan. Uzoqroqda turgan darvozabon buni ko‘rib, yetib kelgan va "afsungar"ni haydab solgan. Bir necha daqiqa o‘tib, Mussa Komara «Mukura Viktor Sport» darvozasini ishg‘ol qiladi.

Shundan so‘ng, Ruanda Futbol Federatsiyasi jodugar-futbolchini 100 000 ruanda franki (120 dollar) miqdorida jarimaga tortdi, klubga esa yana shunday holat takrorlansa, texnik mag‘lubiyat yoziladi.