Qozog‘istonda ko‘p qavatli uyning qulashiga nima sabab bo‘lgani ma'lum qilindi

Qozog‘istonning Qarag‘anda viloyatidagi besh qavatli aholi turar-joy uyining bir qismi yerto‘ladagi isitish qozonining portlashi sabab qulagan bo‘lishi mumkin. Bu haqda RIA Novosti mamlakat ichki ishlar vazirligiga asosan xabar bergan. Eslatib o‘tamiz, hodisa sabab to‘qqiz kishi halok bo‘ldi.

Voqea Shaxan posyolkasida yakshanba kuni kechqurun yuz bergan. Qutqaruvchilar vayronalar tagidan to‘qqiz kishi, jumladan uch bolaning jasadini chiqarib olishgan.

"Taxminlarga ko‘ra, hodisaga isitish qozonining portlagani sabab bo‘lgan bo‘lishi mumkin. U uyning yerto‘lasida bo‘lgan", - deya aytib o‘tishgan mamlakat ichki ishlar vazirligida.

Qo‘shimcha qilinishicha, kasalxonaga ikki kishi olib ketilgan.